Urriaren 12an eta 13an bideoklip berria izango dena grabatzen aritu gara. Horretarako jendearen partaidetza behar genuenez, urriaren 12rako Zubietako hipodromoan hitzordua jarri genuen parte hartu nahi zuten guztientzat, eta a zer jende pila gerturatu zineten!!!! Harmailetan oso giro polita jari zenuten, HUNTZAkideok zuen pazientzia eta ilusioa eskertu nahi dugu. Grabazio ondorengoko meriendan ere ondo pasatu zenutelakoan gaude.
Bideokliparen grabazioa bukatu eta diskoaren grabazioarekin jarraitu behar dugu Haritz Harreguyren estudioan. Eta hau bukatutakoan…? Argentina eta Uruguaira joango gara euskal giroa suspertzera.
Eskerrak eman nahi dizkiegu grabazioan parte hartu zenuten guztioi, bereziki grabazio taldeari: AZ Gaubelak, Ibai Zangitu, Mikel Alberdi, Ekaitz Zilarmendi, Jon Ander Alberdi, Mikel Serrato, Lara Díez Mesa eta hipodromoko laguntzaile izan genuen Jexux. Ezin ditugu ahaztu Bakene Erkiaga eta Maria Tamayo eta beraien lagun diren Lanbro eta Isla.
Orain emaitzaren zain geratuko gara. Ea denon gustukoa den bideo berria! Bitartean, Zubietako grabazioan ateratako argazki batzuk dituzue. Ea zuen burua ikusten duzuen bertan! Bideoa argitaratu ondoren grabazio egunean ateratako argazki gehiago jarriko ditugu.
Hurrengo kontzertuetan topo egingo dugulakoan!!
Desde Barcelona, con ganas de ver vuestro nuevo videoclip!!
Aupa! Molta sort!